金記冰室 (新港城中心4期) (已結業)

身为马鞍山街坊，成日行过金记门口都会见到有人龙排队。搞到我都好想去试吓究竟佢啲嘢好唔好食，早两日晏昼就终于嚟食下午茶啦。我哋叫咗招牌焗猪扒饭、金记炸鸡髀、无骨海南鸡油饭套餐、金粒西多配雪糕、金记三文治、香滑奶茶、冻柠檬利宾纳。🔸 招牌焗猪扒意粉猪扒好厚、食落好松软同埋焗得好香，每一啖意粉都沾满左啲蕃茄汁同埋芝士，好好食！果然系招牌！🔸金记炸鸡髀鸡髀大只，炸得香脆又腌得够入味，肉质juicy，啖啖肉好滋味。🔸无骨海南鸡饭套餐（配油饭）呢个餐有跟老火靓汤，饮落几舒服冇味精。海南鸡好肥美、好滑！同埋冇骨食得好方便，再点埋佢啲姜蓉同埋黑豉油食好好味！油饭用鸡汤来煮所以食落好香同埋一啲姜嘅味道。🔸金粒西多配雪糕一口size嘅西多炸到金黄色，一啖一粒，淋上炼奶连埋朱古力酱同埋云呢拿雪糕一齐，食好邪恶但满足。🔸金记三文治脆卜卜嘅方包夹有午餐肉、好厚好滑嘅炒蛋、生菜、蕃茄同芝士火腿，材料好丰富好味又饱肚，尤其是中间嘅炒蛋真系好滑，好好味。