樓下冰室 (已結業)

依间楼下冰室之前都经过好多次，一直都想揾机会食下，今日终于同朋友去到食。入面环境唔错，几干净，装饰有怀旧嘅感觉，座位都算阔落，唔会人迫人。餐牌既选择都几多，花多眼乱。不过听讲佢地出名瑞士鸡翼同番茄浓汤通粉。于是，我地就叫左2个主食，2个小食，再加2杯饮品。依个番茄浓汤通粉配牛乳炒蛋 + 麻辣脆鸡粒，份量好足，通粉唔会太硬/太淋，软硬适中，番茄汤味浓，唔似就咁用番茄膏加水，炒蛋亦好香蛋味，麻辣脆鸡粒唔会太辣，但好惹味。依个炒意粉几干身，但又唔系干争争果只，料足，味道亦岩岩好。佢地既招牌瑞士鸡翼，瑞士汁好好味，少少甜甜地，好入味。炸饺唔会炸到成只干争争，外脆内软，馅料足，只只都胀卜卜。华田脆脆唔会过甜，脆脆好好食。食左咁多野，埋单$200都唔洗，不过份量比想像中大份，真系饱到捧住个肚走。