茶餐廳2.0 (已結業)

今日约朋友系黄大仙个头食晚饭，咁系openrice见到呢间好似ok就去左食，佢有室内同室外既位，见到室外位可以直接影到狮子山，几正，不过我朋友想坐室内就入左去坐。我地首先叫左鲜鲍鱼石窝鸡煲，呢个煲整得非常入味又浓郁，鲍鱼好有咬口，都算几大只，鸡对比出面某d鸡煲唔算好嫩滑，但感觉都唔会太差，胜在入味。澳洲西冷牛扒(100oz)叫左五成熟，入面仲会红红地，外面睇落虽然有少少lone，但无影响佢既味道，厚实饱满有嚼劲，意粉都唔错，唔会软淋淋。见佢加钱有酥皮汤就加左个试下，净系汤既话系偏淡少少，不过我就比较喜欢连埋酥皮一齐食，个味道就会适中。我朋友成日无食野，食完一个餐仲觉得肚饿，见佢啲野食几好食，咁就再叫左个咖喱海鲜，佢个咖喱都算辣，不过辣得黎又好好食，啲海鲜好新鲜又入味，啲虾系爽口弹牙，全部都至少有两旧或以上，真系足料又足味，仲有少许沙律菜跟。店面都几大，食物又高质，仲要近地铁同巴士站，真系会食过翻寻味，值得推介！睇完个menu会样样都想食。