HIKARI

今日约咗朋友嚟公司附近食晏，一直都睇中咗呢间Cafe嘅木系装修，感觉好舒服，今次终于有机会黎试下～餐厅系小店形式嘅经营，位置唔算好多，不过特别在有个阁楼仔，可以比客人上去用膳。我最中意佢行文青既风格，比人悠闲既应觉，可以chill下～✨ 慢煮美国安格斯牛板腱新奥尔良饭牛板腱处理得超好，仍然仲可以见到鲜嫩嘅粉红色，虽然呢个部位嘅脂肪比较少，但系食落仍然好有肉汁。而家个饭偏硬，但系又索晒啲酸酸地既汁，感觉唔会似生米，而且冇一般risotto好滞既感觉。✨ 煎封法国油鸭髀牛肝菌意大利饭油鸭髀既外皮煎到好香脆，迫晒啲油粉出嚟，一啲都唔会油腻。而鸭髀嘅肉好软嫩，轻轻咁用叉就已经撕得开。牛肝菌意大利饭嘅香味比较浓郁，超好食！✨脏脏tiramisu面层洒上满满嘅朱古力粉同埋朱古力酱，仲配有啲Oreo、朱古力威化卷，增加口感。以下面嘅cheese唔算太甜，而且几轻身，食完感觉唔会好Heavy。配埋底层有少少酒味既饼干简直一流！✨Bailey’s Mocha每杯咖啡上都有靓靓既拉花，咖啡既甜味同酸度平衡得恰到好处，最后加上少少Bailey’s 既味道，层次丰富。