品川日本料理 (已結業)

平时比较少喺荃湾食放题，唔想食亲都系去旺角𠮶啲，所以今次揾咗呢间新开嘅放题试吓。位置邻近荃湾西铁站，都算方便，不过个商场新开嘅，所以都唔容易揾。一开波就叫咗碟刺身试一次先，觉得都算新鲜，而且比嘅量都会比足。唔会话你叫十块净系比三块你。之后试咗佢嘅一口牛柳粒同埋烧牛舌，一口牛柳粒嘅水准正常，而且都好多牛柳，足料既。牛舌嘅味道同口感都相当唔错，牛舌我觉得系值得推介嘅。至于自助食物果方面，佢啲炸物都有射灯照住，所以食落去都keep到个温度，唔会话冻哂。榆树街𠮶啲都系趣嘅，都系水准之内。另外仲有一啲寿司同埋手卷，值得推介，例如海胆军舰，都系一啲平价放题唔会食到嘅种类。最后佢仲有一人一杯Häagen-Dazs嘅雪糕，算系一个比较完美嘅句号。整体而言，我觉得呢间放题嘅水准同旺角一般嘅放题比系比较高嘅，大家都唔需要专登出旺角啦。