影片
更多
2024-08-30
116 浏览
Asok thai 荃湾西呢间泰国嘢成日经过都见到有人排队，所以成日都好想试吓，后来发现原来佢系有得book嘅！今次book咗，准时去到就唔使排咁长龙啦！无论铺面定入边，餐厅环境都好靓，好适合打卡，气氛亦相当之好。餐牌上面好多嘢都好吸引，选择困难症之下，我哋拣咗主菜系冬阴功意粉，因为以前喺其他餐厅食过呢个菜式都好好味。仲有蟹肉芫荽青酱意大利饭。另外我哋仲叫咗个芒果糯米饭做甜品，食泰国嘢点可以唔食芒果糯米饭！前菜方面我哋叫咗个墨西哥taco，饮品就叫咗个抹茶太奶，呢个配搭好有趣，试试佢。首先讲吓杯饮品，泰式抹茶奶好好味！有浓浓嘅泰奶味，但系又唔会遮盖咗抹茶嘅茶香，而且份量好多！呢个樽其实可以倒到两杯！其实好抵饮。然之后系青酱意大利饭，超级惊喜！劲好味！啲忌廉好Creamy之余，因为系青酱，所以唔会漏，调味非常出色，仲有啲香嘅蟹肉味，好味推荐。冬阴功意粉又系非常出色，做到心目中好理想嘅冬阴功意粉味道！呢度嘅调味实在太正，一路食已经话以后一定要继续嚟！不得不提呢一个大虾冬阴功意粉只虾真系好大！虾头入边仲有好多好香嘅膏！真系唔好浪费！食晒佢，好好味。墨西哥taco方面，佢比较特别嘅系佢个饼皮系
荃湾西呢间泰国嘢成日经过都见到有人排队，所以成日都好想试吓，后来发现原来佢系有得book嘅！今次book咗，准时去到就唔使排咁长龙啦！
无论铺面定入边，餐厅环境都好靓，好适合打卡，气氛亦相当之好。
餐牌上面好多嘢都好吸引，选择困难症之下，我哋拣咗主菜系冬阴功意粉，因为以前喺其他餐厅食过呢个菜式都好好味。仲有蟹肉芫荽青酱意大利饭。另外我哋仲叫咗个芒果糯米饭做甜品，食泰国嘢点可以唔食芒果糯米饭！前菜方面我哋叫咗个墨西哥taco，饮品就叫咗个抹茶太奶，呢个配搭好有趣，试试佢。
首先讲吓杯饮品，泰式抹茶奶好好味！有浓浓嘅泰奶味，但系又唔会遮盖咗抹茶嘅茶香，而且份量好多！呢个樽其实可以倒到两杯！其实好抵饮。
然之后系青酱意大利饭，超级惊喜！劲好味！啲忌廉好Creamy之余，因为系青酱，所以唔会漏，调味非常出色，仲有啲香嘅蟹肉味，好味推荐。
冬阴功意粉又系非常出色，做到心目中好理想嘅冬阴功意粉味道！呢度嘅调味实在太正，一路食已经话以后一定要继续嚟！不得不提呢一个大虾冬阴功意粉只虾真系好大！虾头入边仲有好多好香嘅膏！真系唔好浪费！食晒佢，好好味。
墨西哥taco方面，佢比较特别嘅系佢个饼皮系脆口𠮶种，同平时食嘅有啲唔同，都几特别，调味方面都唔错，最重要系牛油果好味！不过我觉得佢其他泰式食物做得更加出色！
最后就由超级好味嘅芒果糯米饭作结，有雪糕食嘅芒果糯米饭！芒果又好甜，个雪糕筒都好脆口，成件事系正。
满足的一餐！
张贴
