Patisserie Mon cher (已結業)

今日系中环放工之后，同朋友去咗摆花街一间餐厅食下午茶。之前偶然经过个时发现这间蛋糕店，装潢华丽，好想试下。一入到去成个感觉好Grand，好多装饰都系金光闪闪。座位比较少，只有三个位系吧枱。每个位都有一个托盘，超级靓。枱上仲有一啲花同海报做装饰。餐厅仲好细心预备埋纸巾比客人添。我就叫左两件蛋糕，原味堂岛卷同埋草莓慕丝。原味堂岛卷嘅卖相非常整洁。Cream系100%黎自北海道，超级软滑，有著浓浓香纯的奶油香，甜而不腻，好滋味。至于蛋糕部份就好松软，淡淡嘅甜度，非常好食，一个女生都食得晒。草莓慕丝系用心形嘅器皿，非常有心思，俘虏左我嘅少女心！慕丝质地幼滑，慕丝上面有三粒蓝莓，红莓同埋士多啤梨，放上酸甜可口嘅水果，令慕丝清甜而不腻。两件蛋糕大小适中，好啱食下午茶，唔会太饱。呢度嘅装潢同埋食物设计都好有心思，超岩充满住少女心嘅女生黎打卡。餐厅装潢设计华丽，食物嘅价钱都非常合理，可以约埋朋友一齐试试，影靓相打下卡！