城意 (已結業)

前日经过餐厅见有人等位，便去研究下个餐牌，见佢晚餐唔贵㖞，仲有任食嘅沙律吧，一于揾日试下佢。是晚再经过就试下先，时间尚早，餐厅半满座，拣了一张埋边的四人枱坐下，店内濶落气氛唔错。🥖蒜蓉包落完单，店员好快就送上跟餐的蒜蓉包，即烘的又热又香脆。🥗自助沙律吧之后便去沙律吧拎沙律，有菜沙律同杂果沙律，仲有蕃茄同红菜头，正🤤🐖大蒜香草醋浸厚切猪手片配马介休多士劲重蒜香，仲系生蒜个种辣劲，好正😍猪手已切粒，猪皮爽口弹牙有嚼劲，马介休多士厚芝士，又系十分香脆，成碟都好好味，份量好多食唔晒，建议share人，一个人食一盘猪手太heavy了🤪🐂传统葡国咖喱牛爽腩配农夫包朋友点的咖喱牛腩又系无稀场，个农夫包放到满晒，大量牛腩配少量薯仔，牛腩炆得软腍入味，仲有满满骨胶原嘅感觉添呀😍食埋个农夫包真系饱到上心口。🍹杂果红茶个餐仲包餐饮㗎，叫左一冻一热杂果红茶，微甜仲有奇亚籽，几好饮。本身谂住食多啲沙律菜，估唔到个主菜咁大份，好饱呀😆真系同佢餐厅名一样，好有诚意😆😆