潮福蒸氣石鍋 (已結業)

蒸气锅系食极都吾厌嘅，今次黎开尖沙咀，就试下潮福。系潮福食蒸气锅，一定顶住个大肚腩走，因为除左有自选海鲜之外，仲有一d食物系可以任叫嘅！首先，一坐低就有一碟冷盘同乳鸽，仲有一人一碗汤。乳鸽皮薄肉嫩，调味得宜。而令我眼前一亮嘅系呢碗姫崧茸螺肉汤，一睇配料，就知好俾货！非常足料，汤入口好清甜顺喉！到主角出场啦！呢只蒜蓉龙虾吾使我讲都知几大只！蒸熟之后，落口啖啖肉，好鲜嫩爽口！加埋蒜香，好滋味！再黎鲍鱼同北寄贝！虫草鲍鱼好新鲜，上碟仲郁紧，当然味道冇得输，口感弹牙，有嚼劲！北寄贝都吾差，味道好爽口鲜美！扇贝都好吸引呢！蒜蓉粉丝同扇贝一定系绝配！大大只扇贝一啖系食吾晒架！好爽口弹牙😋呢只青口，睇相就知几肥美呢😋一入口，d汁即刻系口腔爆开，好鲜甜好满足！本人好热爱食马拉糕，而呢件亦不得不赞，睇落平平无奇，食落口好松款，而且吾会太甜，大赞👍🏻最后梗系集合所有海鲜精华嘅南瓜排骨粥啦！粥底非常非常非常清甜！南瓜好甜，排骨肉嫩一d都吾鞋，食到最后虽然好饱，但系都忍吾住要食多几碗🙈