八蠔吧 (已結業)

今日庆祝纪念日我地去左食蚝，朋友推介左呢间八蚝吧，话好高质，果然好食。呢个环境都几靓。我地叫左半打生蚝，生蚝够冻，开得好干净无碎壳，全部新鲜无腥味，好重海水鲜味。佢个柠檬用左个袋仔袋住，唔怕籽跌出黎，好贴心。夏季蔬菜烩意大利饭意大利饭好正宗，好有咬口，材料有西兰花苗，青豆，露荀等，清新嘅味道。慢煮鸡胸肉鸡胸肉一点都唔鞋，嫩滑多汁，慢煮完再煎香表皮，脆卜卜，薯蓉creamy好香好滑。甜品系慕丝，好好食，加左好多配料好有口感，甜品甜度刚刚好。