金海濱越粤小炒

营业中

休息中

晚饭时间咁啱经过荃湾海滨花园，一于就试下呢度嘅街坊小店。呢间粤菜餐厅，平日晚饭时间人都唔少，睇嚟街坊都好捧场，质素应该有番咁上下。先嚟一碗番茄薯仔汤，用料十足，有猪骨同鸡脚，煲到好溶，酸酸哋好开胃，唔会好重味精味。红烧BB鸽。老板话系星期一至五先有嘅gimmick，18蚊一只坚抵食，皮脆肉嫩又juicy，必食之选。黄金鲜鱿。外皮薄薄嘅一层炸到金黄酥脆，仲有咸蛋黄嘅香味，包裹住嘅鱿鱼鲜味有嚼口。底下系炸南瓜，香甜可口，同咸蛋黄嘅咸香味一齐食毫无违和感。上汤虎虾球伊面。大大嚿嘅虎虾球鲜甜爽口，伊面烟烟韧韧，吸足上汤嘅香甜又唔会太浓腻。三色冰。呢个都系老板推介之一，有红豆，绿豆同椰果，丰富咗口感同味道，几得意。