Anytime Catering

营业中

休息中

今日约咗老婆同佢庆祝生日饭，我老婆话未试过食私房菜所以今日就book咗呢一间西式私房菜同佢试吓。餐厅环境布置得唔错真系好似去咗屋企食饭一样，你呢度食饭一定要早一啲book，起码10日前。我哋拣咗一个five course dinner. Starter 系Pareto cheese and Italy tomatoes with rose vinegar. 意大利蕃茄配梅子玫瑰酒汁。蕃茄切开4片，4片都唔同色因为四旧蕃茄都系唔同嘅熟度。第二道系餐汤，餐汤系蟹肉西兰花汤，汤十分creamy,仲有好香嘅西兰花味。蟹肉上面仲有啲鱼子，口感唔错。第三道菜系带子配鸡髀菇，鸡髀菇唔系一样贵价食材但系烧得好好食。连平时唔钟意食菇嘅我都食晒。厨师功力深不可测。第四道菜系慢煮西班牙黑毛猪鞍，五成熟嘅猪肉好好食。最后一个系柠檬慕丝蛋糕配雪糕。埋单每人$650，价钱唔算太贵质素非常之好。