La Postre (已結業)

今晚约左朋友食位于铜锣湾耀华街的La Postre，我地6:30pm 都未够就到，餐厅客人唔多，环境宽阔，宁静有情调，我地被安排坐在Bar枱的沙发位，好relax。两个人，先点了芝士煎蟹饼。热辣辣，蛋饼好松软，夹住香浓芝士同蘑菇粒，仲有一只只足料蟹钳，味道好夹，好有口感。主菜系见到好多人都会点的啤酒海鲜火锅，因为我唔食辣，所以拣左蕃茄忌廉啤酒汤，店员送上时会为你介绍唔同的海鲜，有带子，虎虾，蟹钳，蚬同螺肉。打开煲盖已经闻到好香的啤酒味，海鲜非常足料又新鲜。最钟意虎虾，好大只，肉质爽口弹牙。螺肉煮一煮后，鲜味更出，仲有我好钟意只蛋黄酱，加了拉差及蒜，味道独特，令海鲜变得更惹味。食完海鲜之后有一只小杯装啤酒海鲜汤饮，真系好好饮，鲜甜海鲜味，香浓啤酒味再加清新蕃茄味，一杯接一杯，差唔多饮哂。甜品叫左个杂果麻糬窝夫，卖相真系一流。窝夫入面的麻糬烟烟韧韧但唔痴牙，上面嘅杂果款式多，有酸有甜，加埋个雪糕同蜜糖，好有层次，非常特别。