Cocina 3 Tapas Restaurant & Bar (已結業)

高质西班牙餐厅今日放工去左澳海城行下，可能太耐冇去，都冇留意佢原来有第三期，行过去都几多野食，好似一条食街咁，我地拣左呢间西班牙餐厅，佢有室内同室外，室外都几舒服，仲可以带埋宠物一齐去添，室内装修都几有心思，有好多酒既摆设，好大好阔落。店员都好细心，见我仲等紧我朋友，就叫我入去坐住先，仲问我使唔使饮杯水先。我地叫左个西班牙奄列，黑松露蒜蓉包，松露野菌忌廉阔条面，另外再叫左三个甜品🍮。西班牙奄列- 奄列入面有薯仔🥔洋葱🧅，再煎香佢，唔错。黑松露蒜蓉包 - 除左有黑松露之外，仲有蒜蓉🧄，洋葱🧅同香草🌿，香口惹味。松露野菌忌廉阔条面 - 呢个好好味，够creamy ，超多菇菌，好足料。西班牙吉拿棒 - 呢个可以叫做西班牙油炸鬼，即叫即整，洒上肉桂粉，再点朱古力酱袋，旁边有士多啤梨 🍓同蓝莓🫐，酸酸地中和返油炸感觉。西班牙炖蛋 - 个焦糖炖蛋都几大个，上面既焦糖会普通既厚啲，好香脆，炖蛋做得够滑，抵食！吉士拿破仑 - 个酥皮超级松脆。