影片
更多
2021-06-17
330 浏览
星期六趁住休息，想同D旧同事食个饭叙下旧，就相约去左尖沙咀一间西班牙风格的轻食餐厅，听闻菜色好食得黎又有创新，唔少fusion菜都水准都做得几好，对于我呢D中意试新野嘅人黎讲十分吸引。 呢闲餐厅系楼上舖，装修上都好有心机，虽然我未去过西班牙，但系我的确觉得风格别树一帜，令我觉得好似响外国餐厅食饭，已经算系几成功喇。 讲翻野食，首先系辣味蟹肉挞，都比我地好大惊喜，蟹肉有海水味同鲜甜味够浓就无需多讲，最紧要系个辣味居然唔系平时西餐食到嘅，而系有少少川菜嘅麻辣，呢种味道融合又估唔到几夹，比平时嘅辣味会更加野味同更有风味。 跟住就到番茄清汤酸菜白鳕鱼，卖相好似平平无奇，但食落好有特色，味道上比较清淡，无加太多调味料，主要系将番茄同酸菜原始嘅酸味突显出黎。讲到呢到可能觉得好普通，其实呢个dish最特别嘅位系加左好多川菜先会用到嘅青花椒，所以系酸味之下一直有阵麻味托住，完全唔辣，完全唔会系麻到成个口腔难受，但就系好恰到好处地提鲜，令本身已经非常鲜嫩嘅鱼肉食起身更加鲜美，做法非常聪明，完全系未试过嘅味道，认真超正。 最后就系主菜西班牙橡果黑毛猪柳龙虾汁砂锅饭，一样都有惊喜。砂锅嘅好处就系热力够，令成
呢闲餐厅系楼上舖，装修上都好有心机，虽然我未去过西班牙，但系我的确觉得风格别树一帜，令我觉得好似响外国餐厅食饭，已经算系几成功喇。
讲翻野食，首先系辣味蟹肉挞，都比我地好大惊喜，蟹肉有海水味同鲜甜味够浓就无需多讲，最紧要系个辣味居然唔系平时西餐食到嘅，而系有少少川菜嘅麻辣，呢种味道融合又估唔到几夹，比平时嘅辣味会更加野味同更有风味。
跟住就到番茄清汤酸菜白鳕鱼，卖相好似平平无奇，但食落好有特色，味道上比较清淡，无加太多调味料，主要系将番茄同酸菜原始嘅酸味突显出黎。讲到呢到可能觉得好普通，其实呢个dish最特别嘅位系加左好多川菜先会用到嘅青花椒，所以系酸味之下一直有阵麻味托住，完全唔辣，完全唔会系麻到成个口腔难受，但就系好恰到好处地提鲜，令本身已经非常鲜嫩嘅鱼肉食起身更加鲜美，做法非常聪明，完全系未试过嘅味道，认真超正。
最后就系主菜西班牙橡果黑毛猪柳龙虾汁砂锅饭，一样都有惊喜。砂锅嘅好处就系热力够，令成个饭够晒干身，基本上已经见唔到有咩龙虾汁，都比D饭粒索晒，逼到晒所有食材嘅香味。黑毛猪柳虽然唔会话系好嫩个种，但真系猪独有嘅香味可以话浓过平时D猪肉一倍，相信系同选材同埋砂锅嘅整法有关，好岩我食。最犀利都唔系呢样，系餐厅加左虾干呢种中餐入面先会出现嘅食材落个饭到，可以话提升左个饭嘅层次，调出晒龙虾汁嘅浓香味，令成个饭虽然干身无汁，但依然海味十足，味道浓郁，超级正，好快大大嘅一锅饭就比我地两个减肥紧嘅人迅速清晒。
呢餐fusion菜我系食得好过瘾嘅，惊喜不断，食得出出品创新又有心思，完美诠释左如果食材运用恰当，1+1>2嘅道理，价钱又唔系贵，环境又好，完全值得黎食多几次。
张贴
