Catee (已結業)

香草餐包，摸上手热辣辣，面包皮位置食落食脆，而面包口感松软、湿身，容易入口。配埋橄榄油同黑醋一齐食，酸酸地几开胃。蕃茄餐汤，有粒粒蕃茄肉，味道甜酸恰好。沙律，蔬菜款式几多同埋好新鲜，包括火箭菜、散叶生菜、紫洋葱、苦苣等，配埋日式芝麻酱食，好夹。玫瑰拿铁，鲜奶咖啡味道浓郁，初头只系饮到淡淡嘅玫瑰味道，但喺就快入喉嘅时候，玫瑰味道就开始不断出尼，玫瑰味道自然、清新，几唔错。另外，依杯野打卡一流，咖啡表面上有忌廉、咖啡粉、玫瑰花花瓣，外观超少女心。奥利奥奶昔，奶味同Oreo味都好浓厚，唔太甜，饮落唔会觉邪恶，食埋件Oreo简直系Perfect。如果想饮甜D，可以将奶昔表面上朱古力粉同忌廉捞埋落奶昔度。小食拼盘，份量大，有个小沙律同其他炸物，其他炸物都系即叫即炸，炸粉薄身、香脆，点埋他他酱又或者沙律酱就味道丰富D。 炸鸡翼系单骨嘅，多肉汁、味道微辣。 炸墨西哥辣椒酿芝士，一咬旧辣椒D芝士就爆出尼，墨西哥辣椒系微辣程度嘅，有埋芝士中和辣度，怕辣嘅人都应该啱食。粗切薯条，外脆，内里食落有些少薯蓉口感。 炸墨鱼圈弹牙。自制墨汁海鲜意大利饭，系是日厨师推介。墨汁味浓厚， 饭粒粒粒都俾墨汁包裹住，饭底好