Moreish & Malt (鴻圖道) (已結業)

午市有套餐拣咗一人双拼组合。小食拣咗蟹肉牛油果三文鱼子脆饼 。呢个好食！蟹肉够多，牛油果够清新；然后仲有三文鱼子点缀。脆饼够脆，做小食真系唔错。加$38要餐汤，系番茄汤。蕃茄味够香浓，但系又唔会太酸。调得刚刚好 ，而且仲有面包，有香草味都几好食。主菜拣咗纽西兰肉眼扒，牛扒都好好食！煎得啱啱好，有grill过嘅味道。有牛香，肉质唔错。另外想叫咗个手撕猪肉热狗🌭️呢个有惊喜，入边充满手撕猪肉，啲肉唔会鞋；而且仲有热狗肠，入面仲有酸菜调味。真系必叫！仲配有薯条几香脆！饮品叫左Aperol Spritz，酸酸甜甜几好饮。另外叫咗朱古力咖啡，咖啡味好香，我推介咖啡！