Madison's (MegaBox) (已結業)

九龙湾MegaBox真系好多家品店，我同朋友去左睇家私，之后去Madison's 食Lunch，Madison's 餐厅环境唔错，座位好阔落，令人坐得好舒服，而且服务态度超好，每次上菜都会好有礼貌打招呼，上菜速度都好快，又会主动帮忙加水。我地叫左7号餐烟腩片芝士牛肉汉堡配蜜糖芥茉酱和13号餐炭烧纽西兰肉眼扒，薯菜配烧汁。餐前的黑芝麻餐饱都几好味，芝士牛肉汉堡块牛肉好多汁，同蜜糖芥茉酱好夹，配菜系粗薯条，成个餐份量偏小但好味。炭烧纽西兰肉眼扒，配菜有薯蓉，红萝卜粒和黄椒。块肉眼扒好厚好多汁，口感一流，都几大块，非常好味！唯一有啲失策系以为跟餐有朱古力饮，原来朱古力系要加$18 ，但啲字太细睇唔清楚，埋单先知道。