Amber’s Table

营业中

休息中

经过黄埔呢间西餐厅，见到入面装修得几靓，价钱唔算太贵，就入去试吓。面包配意大利黑醋，面包焗到外脆内软，点埋开胃嘅黑醋，好夹。焗牛骨髓 - 牛骨髓好甘香，上面仲有大量肉碎，好惹味，配埋吐司一齐食，可以食落冇咁油腻，呢个菜式几特别烧德国咸猪手配酸椰菜薯蓉，猪皮整得非常出色，食落个皮脆卜卜但又有少少烟韧嘅感觉，好正，d肉味道啱啱好，唔会太咸，而d薯蓉好滑，好香牛油味。烟肉眼排9安士 - 牛排系用个炉热住，可以控制牛排嘅生熟程度，牛排食落好juicy,好淋,有烟熏味好香，一d都唔韧，加上香草牛油嘅香味，仲有配其他酱，令牛排嘅味道提升唔少。仲跟埋薯条，炸到脆卜卜热辣辣，好好味。梳乎厘，好巨型嘅甜品，成把餐刀咁大，一切开里面嘅蛋香飘出黎，食落好creamy,,好湿润软淋淋，最惊喜食到最底层系有层布丁，非常满足。荔枝菠萝沙冰，饮落好fresh嘅荔枝同菠萝香味，甜甜酸酸，好消暑。绵花糖朱古力奶昔，真系好吸睛，上面劲多唔同种类嘅绵花糖，而d奶昔饮落好香滑，朱古力味都好特出。