Dr. Italian Pizza & Pasta (已結業)

今日朋友约我黎呢到睇戏，由于入面唔可以食野，所以就系隔离附近food court食饱先。呢间pizza店个公仔好吸引我注目，叫左个二至三人套餐，包括夏威夷薄饼，黑松露卡邦尼，奇妙鸡软骨再配有汤及汽水。鸡软骨唔系咁多餐厅有得点，呢个食黎好香脆，软骨又有咬口，好食，饮埋忌廉汤，够晒开胃。之后就叹pizza,估唔到咁足料，芝士铺满晒，热溶后更是邪恶，其他材料粟米，火腿，菠萝当然是无得输之作，重点个批底都好好味，有一定厚度口感。松露卡邦尼食得多，呢间味道好好食，意粉挂晒汁，份量又多，食落软硬适中，绝对同西餐厅有得挥。谂住系food court求其食下，点知食到咁高质美食，好惊咁饱一阵睇戏训著。