影片
更多
2023-09-10
25 浏览
上次去大角咀利奥坊附近，经过间装修得好有格调嘅西餐厅，今日黎开大角咀就谂起佢试下Cobalt。入到餐厅已经见到放满唔同类型嘅酒，睇得出老板应该都系爱酒之人。环境都几舒适干净，好啱同朋友黎摸酒杯底倾计聚脚。见到餐厅排满酒，我同朋友决定先叫杯白酒试下。呢只酒有少少坚果味，饮落比较dry同饱满，余味悠长，我同朋友都觉得呢只酒唔错。餐厅食物选择都算多，前菜﹑芝士﹑汤﹑小食﹑主菜﹑意粉﹑甜品咩都有。餐牌每道菜都会写配咩酒比较适合，钟意饮酒嘅人啱晒。店员服务态度好好，好nice，推介左几道菜。脆炸原只鱿鱼配香辣蛋黄酱 ($128)呢道菜系用左新鲜鱿鱼，一切落去好软，已经感觉到同一般急冻鱿嘅分别。外层炸得好香脆，鱿鱼好厚肉，咬落啖啖肉，肉质都好嫰滑，真系外脆内软。呢个真心推介!香煎鹅肝牛肝菌阔蛋面 ($158)一上枱已经闻到鹅肝好香，鹅肝入口即溶，但食落又唔会好油腻，牛肝菌酱味道好浓，阔蛋面都好烟韧，唔错。慢煮纽西兰法式羊架 ($268)羊架我地叫左medium，上枱见到粉红色嘅羊架已经觉得好吸引。羊架有2件，分量比一般餐厅大件，因为用左慢煮方法处理，所以肉质好嫰，好林，加埋旁边嘅配菜同薯蓉，好食!
见到餐厅排满酒，我同朋友决定先叫杯白酒试下。呢只酒有少少坚果味，饮落比较dry同饱满，余味悠长，我同朋友都觉得呢只酒唔错。
餐厅食物选择都算多，前菜﹑芝士﹑汤﹑小食﹑主菜﹑意粉﹑甜品咩都有。餐牌每道菜都会写配咩酒比较适合，钟意饮酒嘅人啱晒。店员服务态度好好，好nice，推介左几道菜。
脆炸原只鱿鱼配香辣蛋黄酱 ($128)
呢道菜系用左新鲜鱿鱼，一切落去好软，已经感觉到同一般急冻鱿嘅分别。外层炸得好香脆，鱿鱼好厚肉，咬落啖啖肉，肉质都好嫰滑，真系外脆内软。呢个真心推介!香煎鹅肝牛肝菌阔蛋面 ($158)
一上枱已经闻到鹅肝好香，鹅肝入口即溶，但食落又唔会好油腻，牛肝菌酱味道好浓，阔蛋面都好烟韧，唔错。慢煮纽西兰法式羊架 ($268)
羊架我地叫左medium，上枱见到粉红色嘅羊架已经觉得好吸引。羊架有2件，分量比一般餐厅大件，因为用左慢煮方法处理，所以肉质好嫰，好林，加埋旁边嘅配菜同薯蓉，好食!
张贴
