Amour Corner (已結業)

七夕呢个中国节日约左亲爱的到旺角食下西餐浪漫一下。入到餐厅见到个环境都不错。因此亲爱的都几钟意生蚝，所以叫左生蚝同埋一个二人晚餐。生蚝 - 十分新鲜，肉质口感十分好，入口有淡淡既海水味，加埋柠檬汁已经足够好味，而且每只都十好大只，好肥美。巴马火腿哈蜜瓜 - 二人套餐既前菜，咸既火腿加上甜既蜜瓜，甜同咸既对比系几有趣既组合。青苹果鹅肝多士 -鹅肝煎得十分软熟，青苹果既清脆。如果净系食鹅可能会觉得太油，但加埋青苹果就完全中和左油腻既感觉。沙律- 蔬菜新鲜菠菜汁三文鱼意粉-主菜之一，菠菜汁配上沙邦尼汁，菠菜令到成个意粉无咁肘腻，唔会食几啖就唔想再食落去。唯一不足之处就系三文鱼肉唔算好多，如果更多三文鱼肉就更佳。烤澳洲牛柳扒-另一个主菜，叫左五成熟，肉烤得好淋，食落唔会有渣。而且份量都几多，十分厚身。加上烧汁，喜欢食肉既朋友一定要试下。提拉米苏/牛奶布甸 -牛奶布甸好重牛奶味而且唔会太甜，几好。最后饮完柠檬茶消消滞就去行下街。 埋单约600都不算太贵。