CHOO CHOO (已結業)

之前朋友介绍呢间西餐，今日终于有机会试，餐厅用火车作主题，大家入到去就好似置身于火车车厢中，外面冰天雪地，好有冬天去紧旅行嘅感觉！除左装修有格调外，餐厅menu亦好有心思，系一本旅游日志，令人目不暇给！餐厅选择好多，我同朋友样样都想试，职员细心逐样介绍，我地终于落好单。首先黎嘅系饮品，由于朋友唔喝酒，所以拣左mix berry energizer, 杯野无额外加糖，饮得出好fresh,仲有粒粒果肉。阿根廷红虾意大利面卖相吸引，大虾炸得好脆，不但可以连壳食，连头都食得，第一次成只虾吞哂落肚，意粉质感唔错，唔会太软或太硬，加上风干番茄龙虾酱同巴马臣芝士，整体调味一流！西班牙传统烧乳猪亦系水准上乘之作，乳猪外皮焗得香脆，肉同脂肪嘅比例啱啱好，咬落去唔会好肥腻，再配合伴碟嘅烧菠萝同迷你椰菜，令人十分欣赏！最后甜品试左店员推介嘅today special,一上枱已经好惊喜，因为用左仲冻嘅云石碟摆放，带酸嘅柚子泡沬包住甜嘅雪糕味道好夹，旁边少少带咸嘅面豉绵绵冰再加上黑芝麻酱为我嘅味觉带来新冲击，呢道甜品层次好丰富，食到入面仲有合桃，果然够特别！