Hunter & The Chase (已結業)

呢间中环嘅餐厅我已经留意左好耐，我都想食好耐㗎啦今次趁朋友生日就约埋佢一齐食。呢间餐厅行开高级嘅路线，大家要着靓少少过嚟啊。其中两样野我系比较推介嘅，首先系pan roasted french quail , 类似系烧春鸡， 分成四份一个人可以有两件，烧春鸡烧得啱啱好，唔会太干，都算几嫩口。点埋黑松露酱，同埋香草酱两种唔同嘅风味可以比你自己选择。另外都好推介佢哋嘅miso lobster 最估唔到成只龙虾佢会帮你拆出嚟咁你就唔会咁论尽喇。龙虾汁配埋啲鱼子，口感丰富。最后都叫咗一个意粉。