Salamat Cafe (已結業)

今日收工之后，就同男朋友去咗剧院𠮶边，试咗呢一间嘅二人套餐。老实讲呢度二人套餐系超级饱，一定食到你捧住个肚走。先来有一个蚝汤，好浓郁之余，汤上面仲有一炸蚝，如果系爱蚝嘅人士一定好钟意啦。之后头盘方面我哋就拣咗青口配蒜蓉包，上菜嘅时候店员特别提醒我哋可以用个蒜蓉包点啲汁食好好味，果然真系个蒜蓉包点左𠮶啲青口嘅汁之后食到我哋停唔到口。搞到我哋钟意食个包仲多个啲青口。主菜方面我哋拣咗一个三文鱼三文鱼子柠檬汁忌廉意粉，加咗啲柠檬汁落去忌廉意粉入边，觉得几新鲜，比平日嘅忌廉意粉冇咁「楼」清新一啲嘅感觉。另一款小菜就要左法国烧春鸡配黑松露薯条，个春鸡同薯条都好好食，特别系个春鸡个鸡髀位好嫩。个餐仲有配餐饮嘅，转特饮就半价。