Cosmos Restaurant & Bar (已結業)

今日去左尖沙咀试一试呢间餐厅，可能因为系酒吧嘅关系，所以下午时间几乎无人。我就叫左一个香蒜大虾意粉，一个铁板牛舌同埋一杯apple forest。首先杯饮品相当特别，唔会话太甜，有少少苹果味之余，好refreshing，饮完都开胃啲。之后嘅铁板牛舌亦好正，由于用铁板嘅关系所以好热辣辣，加上啲黑椒汁就更好味，加上本身牛舌嘅口感够晒爽口，值得一试。最后嘅main course亦无令我失望，有两只大虾，亦已经剪开左一半，好细心，亦好方便食用。炒意粉开质感亦控制得好好，唔会过硬或者过软。最主要系味道方面亦系一流，炒得好香同好浓，可能会更适合口味比较重嘅朋友试一试。