招點薈 (已結業)

今日行经佐敦，又想食西餐，喺网上揾到有间唔错嘅西餐厅，所以去试吓，离佐敦地铁站唔系好远，行几分钟就到。门口有open area可以坐喺度望街景，我地就选择咗入面喺位置。我地叫咗餐汤，沙律同主菜，首先汤系叫咗椰菜花忌廉汤，个汤好creamy,椰菜花搅碎晒再煮成忌廉汤，好滑完全有渣，好浓嘅椰菜花味，加埋个脆多士一齐食，好好食Parma ham沙律，呢个沙律系用黑醋做汁，好开胃酸酸地配埋新鲜嘅沙律菜，好fresh,夹埋Parma ham一齐食，好正。牛肝菌意大利饭，d饭劲正，个忌廉汁完全渗入个饭入面，好入味，个饭质地软硬适中，唔会太硬，仲有好多牛肝菌片喺饭入面，非常香。忌廉汁香煎三文鱼扒，三文鱼扒煎到个皮好香，好脆，完全冇overcook啱啱熟,d鱼肉仲好juice好滑，配埋个忌廉酱汁，个汁酸酸地，啱啱中和三文鱼嘅鱼油，所以一d都唔觉得油腻，d配菜都好正，用牛油同少少黑椒煎过，好惹味。