Brother 5 Oyster & Steak Chop Bar

营业中

休息中

星期六嘅晚上无咩做，决定同Friend黎Chill返下。之前净系食过教育路本店嘅午餐，未试过分店呢边。呢边地方比较阔落，我哋当晚冇订枱，但好彩店员话净返最后一张Walk in枱。我哋叫咗一个生蚝拼盘同House White Wine，今晚嘅时令生蚝有三种，分别来自于美国同法国，生蚝都洗得好干净，味道正常同新鲜。而主菜方面我哋叫咗西班牙伊比利亚黑毛猪天下第一刀，呢道菜非常有惊喜，首先系绝对冇overcook，猪肉其实65度就已经够熟，我哋切出嚟旧肉仲系粉红色，其次佢系煎得非常之香，食得出腌料方面都落咗好多功夫，同埋非常之林。而牛扒方面我哋叫咗美国Prime grade嘅西冷，虽然叫咗五成熟，但食落去仲系有啲韧，肉味又唔算非常浓郁，呢道菜得有少少失望。我哋之后仲叫咗几杯酒同埋特饮，埋单$1100，性价比唔系好高，我比2/5分，不过绝对值得一试。