Coffee Break (TKO Gateway東翼)

营业中

休息中

精选餐汤(追加$28)首先上菜嘅是日餐汤系南瓜忌廉汤，南瓜味道香浓，汤底口感幼滑，饮落微甜唔腻。-烤肠拼盘 配薯蓉酸菜($128)前菜点左香肠拼盘，入面有四款不同口味嘅烤肠，分别有香草鸡肉肠、猪肉肠等，份量好多，咬落juice唔干身。烤肠下面系一层薄薄嘅薯蓉，食落有少少黑松露香味，再混合埋酸菜粒，系醒胃嘅前菜。-菠菜烟三文鱼忌廉意粉($78)烟三文鱼片份量好多，食落口感弹牙唔咸，菠菜意粉同忌廉汁混合得刚刚好，唔会太少酱冇味，又唔会太多酱汁咁heavy。-法式香草烤鸡 配薯条,沙律(全只$138)烤鸡有半只同全只选择，味道偏浓，香草酱汁配系香烤嘅鸡件，可谓色香味俱全。薯条系粗身嘅，外脆内软，而沙律菜系以醋调味，正好清新嘅味道中和翻烤鸡嘅香浓。-芒果红茶(套餐加$18)芒果果香嘅茶底，加入左苹果粒、其亚籽，味道清甜之余有咬口，系健康嘅水果茶。-朱古力沙冰(套餐加$22)沙冰可以选择一款配料，拣左Tiramisu，朱古力沙冰味道香浓，而上面添加嘅Tiramisu混合埋饮落似芝士奶盖，香甜可口。