我愛慢煮 (裝修中)

今日嚟咗位于尖沙咀嘅我爱慢煮新分店。餐厅装修好靓、好舒服，主打露营环境，有好多挂灯，打卡一流！餐牌选择丰富，扒类到意大利饭到甜品都有。黑松露薯条 $68薯条好大碟，上枱时热辣辣，啱啱炸起，食落外脆内软。黑松露酱黑松露味满满，味道一流！美国Prime肉眼 $308肉眼12oz，都颇大块，面头已经见到有蒜蓉同Rosemary，果然一食落去香料味好重。肉眼肉质软腍多汁，再带一点肥膏位。另外仲配有盐，可以因应自己嘅口味配搭。加拿大保湿猪鞍 $148猪鞍肉质紧致，而且好滑，估唔到一啲都唔柴！面头配有大量黑椒，食落香口。另外半碟有红萝卜、翠玉瓜同粟米，蔬菜多汁美味。明太子海鲜意粉$118意粉酱汁非常多，明太子酱带少少辣味，而且有芝士，食落好creamy！另外海鲜方面有大虾、青口同鱿鱼，配搭丰富。热情果芒果特饮$42饮品好Fresh，好够气，而且仲有芒果粒！荔枝接骨木花特欴$42依杯荔枝味比较重，都有荔枝果肉。