Attic Handmade Pasta (已結業)

由于差不多生日，所以特别要求要食一间高水准嘅西餐，朋友谂咗两日就话决定左尖沙咀一间地方方便，又有美味手工意粉嘅高质餐厅。呢个地方好有情调，来拍拖一流！呢到有几道菜我觉得必点嘅！法式海鲜千层酥盒奶油味香浓，有青口同大虾等海鲜，里面有薯蓉同蛋黄，外皮超酥脆，呢个超级好食！神石榴酸橘汁腌海鲜ceviche我不嬲都好钟意食，呢间不论presentation定味道都好特别！个海鲜有油甘鱼，带子同八爪鱼，好新鲜，配埋个酸酸地嘅jelly一齐食，口感同味道都好有层次感！是日餐汤呢日有南瓜浓汤，好creamy，正！意式手工千层面因为手工整嘅原因，每一层面嘅口感都有啲q，好好食，千层面一层面再一层酱，个组合本身已经好无敌！西班牙毛猪梅头净系望到个粉粉地嘅颜色已经觉得好吸引！旁边个酱汁调配得好好味，食完都已经觉得好饱，份量刚刚好！最后好彩有餐厅经理提醒我哋，原来Follows & tag就可以送甜品或红白酒，如果来庆祝，一定要做啊！然后我都留意到佢哋有做西班牙红虾餐，下次再嚟一定要试吓！