八居酒屋 (旺角新城)

营业中

休息中

居酒屋每日都有推介新鲜食材既食物，亦有酒放题。旺角分店特别在于有夹公仔机，好易夹中波波换取食物。仙台厚烧牛舌($148)，必点，牛舌厚切成粒，第一口好爽口，之后系软林口感 。师傅系日本学师后，再按香港人既口味，调制特色酱汁。牛舌放耐食，一样好juicy，配搭既渍物清爽。一客份量足料添。炎～寿司盛8件($128)，4款寿司每款2件，用长碟送上，好壮观既感觉～其中，左口鱼边充满鱼油香，爽甜。鳗鱼厚身，啖啖肉冇骨 。金龙卷($68)，一客6件每件都卷得实又靓。炸虾非常脆，唔油腻。放耐食一样keep到。牛油果配千岛酱，加上蟹籽一啖入口，口感丰富。串烧方面，盐烧鸡肾串、盐烧日本鸡心串各有千秋，鸡肾爽，细细粒一口，佐酒小食一样。鸡心有咬口，烧得香口。吉列广岛蚝($42)，广岛蚝鲜甜，炸衣好香口，炸得干身，食完唔觉得腻。三文鱼亲子丼($88)，三文鱼刺身好肥美，每块都厚切，而鱼子大大粒，一咬口腔充满海水咸咸地既味。一大碗足料饱肚。自家制免治鸡肉棒($38)，鸡肉棒烧完外层脆脆地。酱汁咸甜，搅拌鸡蛋后配搭鸡肉，嫩滑。另外，仲加左3%酒精青提子气酒，入口清甜，果香味浓，好易入口，唔系死甜。用靓靓酒杯饮酒