兄弟工房 (已結業)

石门好多小店，所以我哋成日都专登过嚟食饭。今日试咗间喺石门马铁站附近嘅西餐，店面细细，但系惊喜十足。我哋系星期六午餐时间嚟到，因为武汉肺炎关系，无乜人，唔使等位。希望疫情一过，小店嘅生意会蒸蒸日上啦！午餐非常多选择，仲送餐汤同餐饮，都系百零蚊，好抵食！餐汤系忌廉蘑菇汤，用上新鲜嘅蘑菇，唔系一般罐头汤货色，非常好味。午餐我哋试咗西冷牛扒同埋厚切猪扒，可以配饭，意粉，或者薯菜。餐厅好细心，知道我地唔食薯条，专登将所有薯条变成翠玉瓜，非常细心。西冷牛扒同猪扒质素都唔错，呢度绝对系想简单食个西餐嘅好去处。