影片
更多
2024-02-02
369 浏览
近排天气keep住冻，当然最好就系去打边炉，刚好我最好嘅朋友又好钟意打边炉，佢生日一于带佢去打个靓边边 😍 今次就去咗荔枝台湾嘅呷哺呷哺 🤤 一人锅精致又多选择，而且汤底唔使争，大家都可以食钟意嘅 🫶🏻日本和牛套餐朋友拣咗呢个套餐入面嘅日本和牛胸小排真系非常之高质，啲雪花分布得好均匀，上枱嘅时候我哋见到真系心心眼 😍 净系呢碟都已经值回票价 👍🏻 轻轻渌一渌 ，肉质十分之嫩滑，亦都有牛嘅香味，我觉得完全唔掂酱料都已经好好味 🤤 呢个餐朋友就配咗佢哋嘅麻辣灵魂锅，入边仲有埋鸭血 😋尚青海陆套餐我就当然拣有海鲜嘅套餐啦 😍 呢个餐有鱿鱼、鲷鱼、虾同埋蛤蛎，全部都好鲜甜，另外再配埋牛肉三选一，我就拣咗美国特选级牛肩胛肉眼，肥瘦适中又够牛香；至于汤底方面，我就拣咗暖心猪肚锅，个胡椒味香到连对面嘅朋友都闻到 😍 而且入边仲有一嚿嚿嘅猪肚，好足料 👍🏻饮品：大红袍珍珠奶茶、茉香奶绿两杯嘅茶底都好出好香 😋 奶味又够浓厚，就算全糖我都觉得唔会死甜，完全可以媲美出名嘅茶饮店，谂唔到跟餐嘅嘢饮都可以咁高质 😍酱料自助区、甜品区佢个汤底有一格细细格嘅，入边有个菇菌汤，可以就咁饮，超级足料，啖啖都系菇，劲好
日本和牛套餐
朋友拣咗呢个套餐入面嘅日本和牛胸小排真系非常之高质，啲雪花分布得好均匀，上枱嘅时候我哋见到真系心心眼 😍 净系呢碟都已经值回票价 👍🏻 轻轻渌一渌 ，肉质十分之嫩滑，亦都有牛嘅香味，我觉得完全唔掂酱料都已经好好味 🤤 呢个餐朋友就配咗佢哋嘅麻辣灵魂锅，入边仲有埋鸭血 😋
尚青海陆套餐
我就当然拣有海鲜嘅套餐啦 😍 呢个餐有鱿鱼、鲷鱼、虾同埋蛤蛎，全部都好鲜甜，另外再配埋牛肉三选一，我就拣咗美国特选级牛肩胛肉眼，肥瘦适中又够牛香；至于汤底方面，我就拣咗暖心猪肚锅，个胡椒味香到连对面嘅朋友都闻到 😍 而且入边仲有一嚿嚿嘅猪肚，好足料 👍🏻
饮品：大红袍珍珠奶茶、茉香奶绿
两杯嘅茶底都好出好香 😋 奶味又够浓厚，就算全糖我都觉得唔会死甜，完全可以媲美出名嘅茶饮店，谂唔到跟餐嘅嘢饮都可以咁高质 😍
酱料自助区、甜品区
佢个汤底有一格细细格嘅，入边有个菇菌汤，可以就咁饮，超级足料，啖啖都系菇，劲好饮 😋 另外佢个酱料自助区选择到好多，除咗基本嘅豉油、蒜蓉同芫荽𠮶啲之外，仲有好特别嘅蜜桃醋，用嚟点肉都几正 😋 另外甜品区就可以自制刨冰，部刨冰机都几好玩 😆 而且佢嘅配料非常之多，除咗芋圆同仙草之外，仲有凉粉、芋泥、青瓜冻、红豆同花生等等，又有柠檬汁同埋黑糖汁， DIY一碗属于自己口味嘅甜品完全冇难度 🤩
酱料区仲有各种唔同嘅面食同埋前菜、仲有肉燥饭 🤤 见到有乌冬、王子面等等，最正就系有个紫薯面，可惜个餐本身太丰富，所以都食唔到面 🙈 至于前菜就有木耳同埋萝卜，佢个酸萝卜腌得几好食㗎 🫶🏻 另外个餐仲有个蔬菜篮，入边仲有埋贡丸同埋福袋，菜同菇嘅份量都唔少，而且都好新鲜，感觉成个餐健康咗好多 😆
张贴
