響 居酒屋 (已搬遷) 新店位置

約觀塘返工朋友食飯，見到呢間日式居酒屋有多款料理選擇🎏 仲有得著和服打卡👘 吸引左我地去試下😁店內空間非常闊落，坐得好舒服。店員招呼殷勤，上菜都會有講解👍🏻今次試嘅係：| 晚市 | * 尊貴日式居酒屋M5和牛料理二人晚餐 ($998) 時令原條日本魚，加4款刺身，肉質鮮美，由淡身食到油脂豐腴，份量又大，非常滿足😋再黎串燒拼盤有大蔥、牛舌、豬腸、雞軟骨、白鱔，我就最中意濃郁嘅牛舌同油脂勁香嘅白鱔。緊接落黎嘅壽司拼盤，分別有左口魚邊、呑拿魚、魚子、伊佐木，每款2件，食到呢度已經飽左7成！重頭戲嘅M5澳洲和牛，筋位唔多，肉質鬆軟嫩！肉味香濃又唔乾柴，油香四溢夠滋味✨ 牛肉瓦片蕎麥麵🍜，煎麵底配上牛肉片，非常香口。再飲埋清清地嘅什菌蜆湯，解一解飽滯。呢度最特別之處，係有大大部自助清酒機、多達幾十款清酒選擇，只要用手機掃描就飲到。清酒機任飲($188)2位，喜歡杯中物嘅一定要試！我就最中意金紋秋田酒造，純米原酒，飲落酒味非常濃厚 🍶 另一款今里酒造，清少少，啱女仔飲😊打卡都係重頭戲，呢度嘅和服👘款式都好靚，連木屐同頭飾，最啱同閨蜜黎飲飲食食，同影靚相✨