La Resaca (已結業)

位于湾仔新开嘅西班牙菜餐厅la resaca，地点方便仲要有happy hour 时段，最适合附近打工仔放工过黎饮番杯！脆皮猪手配2杯生啤($248)呢个happy hour set真系好抵，啱哂爱酒人士！猪手即叫即烧，热辣辣上枱，而且已经切好一件件方便一路饮一路食。猪皮烧得超级香脆，完全唔怕有油腻感；猪肉本身肉味香浓，唔会烧得太干身，猪皮猪肉加上少少肥膏，沾上蜜糖芥末酱一啖食落去就最正喇🤤生啤方面店员介绍咗Estrella Damm Lemon，西班牙老牌Estrella一向有保证，呢一款加上柠檬清香，减少啤酒本身苦涩味，好容易入口，饮唔惯啤酒都会钟意！温泉蛋辣肉肠薯丝叫咗一款tapas送酒，一丝丝薯仔口感香脆，加入腊肉肠粒多咗分咸香。将上面温泉蛋捞匀，每一啖味道层次都好丰富西班牙海鲜饭黎到饮酒唔争在食埋晚饭，西班牙海鲜饭用传统skillet上枱保持温度，上面海鲜有大虾、青口、鱿鱼筒等等，海鲜精华融入下面米饭，鲜味十足