影片
更多
2018-12-30
4532 浏览
13:00放饭时间到，等左24分钟坐低。Order左猪软骨野菜咖哩饭，因为系门口果阵已经问定要食咩，所以好快就有得食啦野菜脆肉瓜4片、西兰花1、椰菜花1、西芹3小片 ：全部都爽脆豆角2条 ：有豆角原味薯条2条半 ：煮得唔够耐，唔够粉；芯有少少生，中意食薯仔既我有啲失望红萝卜3条：鲜甜之余保留到爽脆，虽然唔系煮得好耐，但完全冇红萝卜果浸味（我本身因为浸味，唔太中意食红萝卜）好惊喜！几好食~蕃薯南瓜粟米生姜饭饭系珍珠米，煮得干身，唔会太黏。软硬适中，带少少烟韧，如果可以再烟韧啲就更好啦！饭入面加左蕃薯、南瓜、粟米、生姜令成件事变得养生、健康左食到有少少姜味，都揾到有姜丝；粟米增加饭既口感、层次；蕃薯同南瓜就食唔出，不过佢地既存在令饭变得金黄，颜色更吸引主角猪软骨有成五旧，份量十足！有两旧系全瘦，肉质硬实，食到一丝丝既肉，唔会韧或难咬。其余三旧带胶质，无论口感定味道都好正猪软骨煮到软骨既部份变成胶质，食落有啲似肥膏、会浆口；肉质软淋入味，连埋胶质既部份一齐食，超满足！满口胶原蛋白既感觉，连平时唔食肥膏（因为唔中意肥膏口感既我都一啖接一啖咁ko左啲猪软骨）😆食完带胶质既猪软骨好似明白点解咁多人
13:00放饭时间到，等左24分钟坐低。
Order左猪软骨野菜咖哩饭，因为系门口果阵已经问定要食咩，所以好快就有得食啦
猪软骨野菜咖哩饭
$69
115 浏览
0 赞好
0 留言
野菜
脆肉瓜4片、西兰花1、椰菜花1、西芹3小片 ：全部都爽脆
豆角2条 ：有豆角原味
薯条2条半 ：煮得唔够耐，唔够粉；芯有少少生，中意食薯仔既我有啲失望
红萝卜3条：鲜甜之余保留到爽脆，虽然唔系煮得好耐，但完全冇红萝卜果浸味（我本身因为浸味，唔太中意食红萝卜）好惊喜！几好食~
蕃薯南瓜粟米生姜饭
饭系珍珠米，煮得干身，唔会太黏。
软硬适中，带少少烟韧，如果可以再烟韧啲就更好啦！
饭入面加左蕃薯、南瓜、粟米、生姜令成件事变得养生、健康左
食到有少少姜味，都揾到有姜丝；
粟米增加饭既口感、层次；
蕃薯同南瓜就食唔出，不过佢地既存在令饭变得金黄，颜色更吸引
主角猪软骨有成五旧，份量十足！
有两旧系全瘦，肉质硬实，食到一丝丝既肉，唔会韧或难咬。
其余三旧带胶质，无论口感定味道都好正
猪软骨煮到软骨既部份变成胶质，食落有啲似肥膏、会浆口；肉质软淋入味，连埋胶质既部份一齐食，超满足！满口胶原蛋白既感觉，连平时唔食肥膏（因为唔中意肥膏口感既我都一啖接一啖咁ko左啲猪软骨）😆
食完带胶质既猪软骨好似明白点解咁多人排队都要食啦～
咖哩汁偏甜带微辣，甚至系冇咩辣味。味道普通、冇咩特别。系门口排队果种闻到浸咖哩味有啲似日本居酒屋既味道，原本想过隔离食米线算（唔洗排队😂）但都因为哩浸味而乖乖地留低、继续排～
整体而言，猪软骨正！咖哩就冇咩特别。
非常欣赏食物够热，影完相、食到一半都仲出紧烟；而且食材处理得好好，所有野菜都系爽脆，完全保留到食物本身既鲜甜👍🏻连饭既制作都加入左几种粗粮，可见其用心。
份量睇落唔会觉得好多，但食完会好饱！一个饭$69，价钱未算平，不过味道唔错，份量又够多，性价比都可以算中高既
米芝莲小店，制作用心，值得一试！
张贴
