Deesses Bakery

营业中

休息中

今日去湿地公园嘅路途上竟然俾我发现呢间喺天水围隐世嘅精致面包舖。铺面好少女心，而入边嘅面包蛋糕都系行啲精致靓靓路线，例如啲牛角包有唔同色又有cream。而我今次就买咗一个芋泥麻薯贝果，大大只先$17觉得都几抵，对比出边可能一只都要$30。一咬落去入边嘅麻薯好多，绝对唔会系得一啖就冇晒，而芋泥亦都足料，绝对唔会系好假好死甜，系真系有芋头嘅味道。而个包嘅质感就相对冇咁烟靭，不过都唔错。呢个价钱呢个份量同味道绝对系性价比高，如果下次再经过应该会想试吓其他系列例如牛角包。