新竹源越南餐廳

营业中

休息中

之前帮衬过呢间新竹源越南餐厅几次，但一直都未有写食评，今日终于要为佢写一写了！以前食开嘅越南餐厅无外乎都系越x，笔者多数食捞檬，不过人大左就渐渐改口味，而家钟意食汤粉多啲。之前听同事介绍呢间越南餐厅唔错，长期都有好多人排队，试过之后都觉得名不虚传，佢嘅汤粉嘅汤底非常浓郁，绝对系呢间食店嘅卖点之一。今日我嗌左生牛肉金边粉(顺带一提，佢嘅汤粉系可以自由转檬粉、河粉、金边粉或者饭，选择颇多)，汤底一如既往十分浓郁，生牛肉肉质嫩滑；不过，今日嘅金边粉质素一般，送到嚟嘅时候旧粉团仲未散开，要自己用筷子整开佢，呢一点算系败笔。份量方面啱啱好，午餐跟热饮一杯(冻饮加$3)，我嗌左杯热奶茶，盛惠$62，价钱中规中矩。环境方面，喺繁忙嘅湾仔中心区域入面算系唔错，至少坐得舒服，唔会觉得挤逼，可以慢慢食、慢慢同同事吹下水咁，唔会有食完就赶住要你埋单果种感觉。整体嚟讲，新竹源越南餐厅系一间水准唔错嘅越南餐厅，食得多中日韩菜菜式嘅朋友，可以嚟试下呢间！