Prime Pho (已搬遷) 新店位置

「无惧世事变改 还是越南越爱 为你所以在期待」话说，M佬唱K成日唔睇歌词，自己改晒歌词，都唔知只眼做咩。唱到吴小姐嘅洗脑歌，越唱越想食越南河粉。于是，唱完K就去咗中环嘅Prime Pho。招牌Pho特别呢个招牌Pho真系好特别，特别多料，有生牛肉、牛腩片、牛脷、牛筋、牛柏叶、牛丸、扎肉同萝卜，啱晒贪心嘅M佬。汤底牛味浓郁，河粉爽口弹牙；生牛肉脂肪比例啱啱好；牛腩片肥瘦适中，非常入味；牛筋入口软腍，牛柏叶爽口弹牙。特别钟意萝卜，非常清甜。牛孖宝 (生牛肉 + 牛腩片) + 另加扎肉牛孖宝仼拣两款材料，另外加$12可再配扎肉。呢到嘅扎肉里面有软骨，比平时嘅扎肉口感更为丰富。牛油鸡翼鸡翼大大只，外皮香脆，好香牛油味。越式炸春卷春卷新鲜炸起，外皮脆卜卜，里面包满材料，特别钟意啲肉碎，包埋生菜，无得弹！青柠梳打加＄15仲可以加青柠梳打，除咗有青柠之外，仲有薄荷叶，更加清新。（记住Like同Share畀朋友）By A姐M佬 玩乐日记