越北牛肉粉專門店

营业中

休息中

今日Work from home，放左工同女朋友去左大角咀揾好野食，心血来潮好想食下越南河炒，就入去越北度。一入到去待应好有礼貌，最后系餐牌整左2个一人餐。生牛肉牛腩片汤河女朋友叫左个生牛肉牛腩片汤河粉，牛肉汤底好甜，无乜味精味，另外生牛肉同牛腩片肉味都好浓，而且河粉份量都好多，男仔都食得饱。虾头膏酸辣海鲜汤檬今日最惊喜系食呢碗汤檬，佢系酸辣带点海鲜味嘅汤底，但如果唔食得辣嘅人要留意下，因为佢相对都有谭仔3小辣度。另外佢D𩠌份量都几多，有2只青口，墨鱼仔，蚬肉同埋超好食嘅虾丸，埋单个阵仲叫个待应建议下净卖虾丸。海蜇沙律 & 炸春卷小食每人可以拣一款，海蜇好爽口，不过我自己就钟意配佢酸酸汁食。另外炸春卷系新鲜炸，超级热，春卷入面肉个份量都好多。肝酱小法包今次特别再叫多左个小食，肝酱味都好浓下，点埋个辣酱食好有层次感。薄荷柠檬梳打 & 三色咸柠七食越南野点可以唔叫同青柠有关嘅饮品，呢2杯饮品青柠味都好够，不过个人比较喜欢饮柠檬梳打多D。