魚蝦蟹 (已結業)

早排出开中环行街，经过歌赋街见到呢间店面装修简洁明亮嘅餐厅！墙上仲挂满咗与海洋生物相关嘅画作，为就餐环境增添艺术气息🎨老板仲话佢哋系以新鲜嘅海鲜每日熬制汤品，坚持使用简单嘅食材，绝无添加味精，饮每一啖汤都能够品尝到海鲜嘅鲜美风味！斋听到都觉得好吸引呀！于是乎我哋就谂都唔谂决定试试佢哋嘅其中两款招牌菜式！事关Daddy超钟意食虾😍所以佢拣咗「特大海虾配招牌特浓鲜虾汤面」(配溏心蛋)🦐🦐 只花竹虾真系唔系讲笑，讲到明特大真系特大，绝冇照骗🤭🤭仲大只过妈咪只手掌！食落仲够晒鲜甜弹牙！连对海鲜一向好有要求嘅Daddy都话一食就知唔系普通雪藏货扮上菜！😎😎😎再配埋以新鲜虾头同虾壳慢慢熬制而成嘅超鲜甜招牌特浓鲜虾汤底，超浓郁嘅香味真系令人一试难忘！我自己本身就钟意食酸辣嘢，所以就拣咗「秘制酸菜鱼汤面」！用足料食材加鲜鱼新鲜熬制出嚟嘅汤头果然系唔同啲！有平日酸菜鱼嘅酸同麻香，味道刚刚好唔会太咸，鱼味浓郁之余仲要一啲都唔腥，成碗面连汤都饮埋清碗嘅状态都唔会觉得口渴！重点系鱼片啖啖肉，一条骨都冇！啱晒钟意食鱼又怕啃到骨嘅我🥰一份套餐除咗有碗面仲配埋前菜、小菜同水果，份量啱啱好，Daddy都话饱饱！好满足