阿里山台式美人鍋 (已結業)

同班姊妹经过附近，见到呢间叫做美人锅嘅餐厅，系专门打边炉嘅台式火锅。所以就同班姊妹入去试吓。因为时间仲系好早，所以冇乜人。不过佢𠮶度好大，仲有几间单独嘅房。我哋叫个桃胶美人锅。仲有酸菜白肉锅！美人锅入入面有成只乌鸡， 超足料，睇得出已经淆咗好耐。超正！另外，我哋仲叫咗好多料放入去打边炉。我哋好钟意食佢啲牛肉粒同埋墨鱼滑。其实所有配料都好有水准，连埋个汤一齐食系入晒味，可以连豉油都唔使点。最后仲要有番石榴食。呢度嘅店员好贴心，会教我地点样饮个汤先最好味，或者几时落啲配料先最入味。值得赞赏！有机会会再试吓佢其他火锅汤底！