御名園 (已結業)

趁揾到新工又未正式开始返工, 把握日子同朋友平日饮茶闲聊。几个月前去过将军澳御名园食过晚市后, 一直令人回味; 很有兴趣试试呢度嘅中午茶市。平日中午茶市, 酒楼都坐满一半食客, 不过侍应人手稍有不足, 要召唤侍应都要等一段时间。【虾饺皇】虾饺很饱满, 饺皮薄, 虾肉馅料很足料! 原只虾鲜甜爽口弹牙。【鲍鱼烧卖皇】烧卖大大粒, 鲜味馅料弹牙, 面层有只鲜甜迷你鲍鱼仔, 味道、口感一流!【椒盐鱿鱼须】HK$50炸皮虽不完整, 但胜在炸皮薄而不油, 食到鱿鱼嘅原本味道, 唔会太干, 爽口唔硬, 表面加咗少少椒盐吊味, 不错的小食。【润烧石岐乳鸽】HK$58乳鸽外皮令身微脆, 有淡淡焦香, 肉质不算多汁, 亦不至于太干, 点少少盐吊味, 整体亦唔差。 【陈皮脆皮烧鹅皇(半只)】HK$238半只鹅果然很足料, 皮脆, 肉嫩多汁, 皮唔会有太厚油层, 每啖都食到鹅香, 超正!【雪燕焦糖炖蛋】侍应通知雪燕冇存货, 但之前食过觉得唔错, 所以我依然会order。炖蛋蛋味浓郁, 面层有一层焦糖脆, 敲碎跟炖蛋一齐食, 正! 胃口较大嘅, 可以拣90分钟任食点心放题, 选择都几多啊~