蘭桂坊車仔麵 (已結業)

啱啱返到香港，见好耐冇食香港嘅嘢食，咁啱经过呢间车仔面，所以入左去~入左去环境都几好，一般车仔面铺头都系铁枱铁凳，但系呢间一反传统，装修都几有香港地道特色，同地方都干净。另外有USB插头叉电，值得赞嘢食方面，我拣左油面同五个𩠌，原来佢可以自己选择soup base，拣左麻辣面正常，个汤底几够味，问d侍应，佢地话系用新鲜猪骨煲，麻辣叫左小辣，我都有饮哂d汤😂芝士肠，金菇，无乜特别。萝卜就好够味，猪颈肉好香口，牛腩都系水准之上。基本上都好够食。不过我一次过叫咗鸡软骨，几香脆，不过有小小热气。不过我黎𠮶日lunchtime都几多人，都等左10分钟先有得食，下次会下午茶时间先黎食。