波仔記車仔麵 (已結業)

今日同朋友去咗北角睇下有咩食😆发现咗有间车仔面店 我本身好钟意食车仔面所以就入咗去食啦！佢可以任选汤底同埋𩠌 我叫咗响铃同埋鱼腐，同埋汤底叫咗少辣，加咗杯冻柠茶就35蚊，对我黎讲都算几平！每个𩠌有两件，不过不失。面嘅份量就好多啦，所以就算两𩠌面都好饱。河粉好弹牙，唔会太腍，个汤底都好香，个秘制辣汁系咖哩汁咁嘅嘢，放喺个匙更上面。我叫咗小辣就觉得可以再辣啲，下次食会叫中辣！啲𩠌嘅味道就不过不失，鱼腐好食啲🤪同埋想赞下佢个冻柠茶，我叫咗小甜小冰佢真系做到，有好多所谓有帮到你小甜小冰嘅嘢饮都系好甜好多冰😂 呢杯就好好！大赞！