何車車仔麵 (界限街) (已結業)

虽然舖仔细细，但选择非常多，仲有习鑚面款同材料拣。今日试咗香蒜虾子捞粗，仲加咗麻辣，香蒜汁几香，惊太干仲可以叫店主加碗汤，麻辣就够麻够辣。𩠌拣左牛舌芯同腩肉，牛舌够腍，惊喜系腩肉，加咗孜然粉，好香。仲叫咗关东煮，个汤几清甜，$12好多款食物。黑松露薯条即叫即炸，醉炸鸡翼好特别，未试过醉鸡翼系炸，但比较细只。店主态度好好，我不停叫佢加汤加麻辣都好有礼貌。一定会再帮衬，但舖头比较细，同得一个人serve, 所以可能要等。