鼎王麻辣鍋 (The LOHAS) (已結業)

无得去旅行，劲挂住台湾嘅火锅。依家香港开左高人气过江龙——鼎王，点可以唔去试下呢！我哋点咗鸳鸯锅。侍应好细心咁提醒我哋酸菜白肉中锅嘅白肉系师傅新鲜加入去，要滚一阵先食。酸菜锅入面居然仲有薯粉酸菜同港式酸菜唔同，佢系新鲜啲，酸酸地，好开胃，我食到停唔到。鸭血麻辣锅，真系无得顶！ 豆腐同鸭血都好滑。有鼎王，唔使再因为挂住鸭血而买好贵嘅包装台湾鸭血啦！嚟呢度可以食得劲满足。一边食一边忍唔住系咁讲：好正呀！仲要系咁加鸭血，因为实在太好味啦！ 老油条同平时香港食嘅油条唔同， 佢系偏脆口。渌一渌就食得，外软内脆，好特别，一定要试！卤大肠头， 本身都熟左，但侍应话都可以渌一渌先食，好好食。牛拼盘，一次过满足你几个「牛」愿望，有唔同部位。重点系，每个部位都系靓肉，全部都好食。蟹膏滑，我第一次食， 口感偏软稔，真系有蟹膏架！鸭血、豆腐、酸菜系90分钟用餐时间内可以无限添加。侍应劲有礼貌，佢地会主动问我地是否需要加鸭血豆腐酸菜，紧系加啦，咁正！有得自助装饭，米饭粒粒分明又弹牙！今日2款汤底都好无敌好食，鸭血、大肠头、老油条都好有惊喜。 呢间餐厅坐得好舒服，食物又高质， 一定会encore !