壽喜燒·肉屋

营业中

休息中

最近系网上见到尖沙咀新开左间食寿喜烧既餐厅，好钟意食寿喜烧既我梗系要去潮圣一下入面既装修好有高级日式餐厅感觉，座位亦都好阔落。今次去左食Lunch Set，分别有特选达摩牛寿喜烧$199同特选达摩牛寿喜烧$249，我地叫左特选达摩牛寿喜烧。🟣前菜分别有胡麻酱豆腐，和牛鸡软骨丸子配甜酸酱同埋薯仔沙律。三样都好好食，胡麻酱够香够浓，而个丸子好有惊喜，一食就知道系手打既丸子，而个酱酸酸甜甜同个丸子好夹，好好食🟠特选达摩牛寿喜烧黎到主角A5达摩牛，牛油脂分布比例平均，而且份量都唔算少。店员会帮手落左D蔬菜同牛先，之后就俾我地自己烧。牛味好浓同埋有入口即融既感觉，好好食呀！另外仲会俾只日本兰王蛋，可以捞埋D和牛一齐食。个人认为系香港食和牛比较难食到有入口即融既感觉，而呢度Ｄ牛就可以😍而个寿喜烧汁亦唔会过咸或过甜，好出色。🟡野菜盛合有冬菇、豆腐、芋丝同埋大葱。芋丝吸哂寿喜烧汁既汤，好浓味又弹牙。🟢饮品叫左２杯特调饮品，外型好靓岩哂打卡！第一杯绯红琥珀，佢系有紫苏同柠檬既梳打，唔会太甜，个人几钟意呢杯。另一杯叫星紫流砂，有石榴、益力多同蝶石花荼，相对呢杯就甜D，个味道有似提子汁，酸酸甜甜。