影片
更多
2022-06-09
1651 浏览
同朋友庆祝生日不外乎都系食个啲嘢，呢间边炉店真系聚会首选❤️🔥 请聋哑人士做员工嘅良心社企、极佳服务、虽然系兆万入面嘅舖头，但依然光猛干净整齐阔落、唔收切饼费、仲要抵食又好味😋 真系唔知有咩可以挑剔🥹💛成人任食火锅两小时 ($288，加一，加$18酱油费，睇星期几同埋Openrice订座而有唔同嘅折扣优惠）汤底嗌咗四川麻辣🌶拼猪骨浓汤🦴 由于系双拼嘅关系，个锅Total要加$20。麻辣汤底辣得过瘾，开头比啲椒浸耐啲，等佢出下味，汤底本身有嘅配料例如云耳、猪皮、豆卜非常入味！食完之后个鼻即刻通一通😂 落啲菜去索晒啲辣仲正🥵 而猪骨汤底建议可以一开头滗碗汤嚟饮！又清又好饮😋呢度嘅嘢食系用Ipad落单，比其他火锅店唔同嘅系，佢有半份/一份拣，或者某啲食物会系3粒/6粒拣，咁样就可以比大家试下啲嘢食先，又唔洗嗌太多而嘥嘢食👻 嚟嘢嘅速度都快而齐👍🏻👍🏻👍🏻一嚟就嚟咗个海鲜拼盘🦐 有鱼、虾、蚬，全部都好新鲜，蚬仲encore咗好多次，完全冇沙😋👍🏻 仲有一个系赠送嘅顶级牛颈脊，上咗汤底一阵就有🐮 见到啲纹都几靓😳 (不过太多frd 一齐抢😈 未试到个味就冇晒😭) 其他嘢食都好新鲜，饺子包得好实，
💛成人任食火锅两小时 ($288，加一，加$18酱油费，睇星期几同埋Openrice订座而有唔同嘅折扣优惠）
汤底嗌咗四川麻辣🌶拼猪骨浓汤🦴 由于系双拼嘅关系，个锅Total要加$20。麻辣汤底辣得过瘾，开头比啲椒浸耐啲，等佢出下味，汤底本身有嘅配料例如云耳、猪皮、豆卜非常入味！食完之后个鼻即刻通一通😂 落啲菜去索晒啲辣仲正🥵 而猪骨汤底建议可以一开头滗碗汤嚟饮！又清又好饮😋
呢度嘅嘢食系用Ipad落单，比其他火锅店唔同嘅系，佢有半份/一份拣，或者某啲食物会系3粒/6粒拣，咁样就可以比大家试下啲嘢食先，又唔洗嗌太多而嘥嘢食👻 嚟嘢嘅速度都快而齐👍🏻👍🏻👍🏻
一嚟就嚟咗个海鲜拼盘🦐 有鱼、虾、蚬，全部都好新鲜，蚬仲encore咗好多次，完全冇沙😋👍🏻 仲有一个系赠送嘅顶级牛颈脊，上咗汤底一阵就有🐮 见到啲纹都几靓😳 (不过太多frd 一齐抢😈 未试到个味就冇晒😭) 其他嘢食都好新鲜，饺子包得好实，冇烂皮🥟 鱼皮有多款口味拣，避风塘炸鱼皮正👍🏻😋 好脆，就咁食都唔会好寡❣️ 其实样样嘢都好正👍🏻👍🏻 出面有嘢饮同少量甜品
店员好细心，上碟同执嘢嘅速度都好快，无论系聋哑人士定系其他店员都好有礼貌(我哋拎起远少少嘅碟比佢，佢会用手语讲唔该) 而叔叔(我估系店主?)同埋靓仔年轻店员都好fun😎 发生咗件趣事哈哈😂😂 佢哋仲有主动问我哋帮手揸机影相📸️ 中间都有倾咗阵计👍🏻 超开心嘅体验，有机会一定再嚟🥳
张贴
